Բուժական յոգա երիկամների համար

Ոչ մեկի համար գաղտնիք չէ, որ յոգայի ասանաները հիանալի օժանդակող թերապիա են  տարբեր հիվանդությունների բուժման ժամանակ: Քանի որ այդ արվեստի գլխավոր սկզբունքն այն է, որ յոգայի ընդունած դիրքերը կարող են ընդունել բոլոր ցանկացողները, անկախ առողջական վիճակից և տարիքից: Իսկ որոշակի հիվանդություններ ունեցող մարդկանց համար մշակվել են վարժությունների հատուկ համալիրներ, որոնցից մեկն էլ երիկամների համար նախատեսված վարժությունների համալիրն է: Այս ուղղության գլխավոր սկզբունքը  իրանի արտափքումների և ներփքումների դիրքերի հերթագայումն է:

Դա բացատրվում է նրանով, որ իրանի արտափքված դիրքում արյունը հյուսվածքներից դուրս է մղվում, իսկ ներփքման ժամանակ` ներծծվում է: Այդպիսով ստացվում է յուրօրինակ «սպունգի արդյունքը»: Տարբեր տեսակի կողային ձգումների ժամանակ, խոնարհումներից և թեքումներից հետո, երիկամների արյան մատակարարումը նշանակալիորեն լավանում է: 

Եվ այսպես, դիտարկենք մի քանի ասանա, որոնք բուժական արդյունք ունեն երիկամների հիվանդությունների դեպքում:

Հասարակ, բայց արդյունավետ ասանան` անկյունային դիրքն է:

Այն կատարելու համար հատուկ գլանիկ է պետք:  Նստել փոքրիկ գորգի վրա այնպես, որ  գլանիկը հենվի սրբոսկրերին, հետո ոտքերը ծալել և ոտնաթաթերը միացնել: Որքան հնարավոր է, հարկավոր է ոտքերը մոտեցնել կոնքազդրային հատվածին, հետո դանդաղ պառկել գլանիկի վրա, իսկ կոնքազդրային հատվածը պետք է գորգիկին կպած լինի:

Երկրորդ դիրքը` գավազանի դիրքն է: Նստելով գորգիկին, ձգեք ոտքերը, ոտնաթաթերը միասին: Արտաշնչելիս դեպի առաջ խոնարհվել: Այս ասանայում կարևոր է կոնքի խոնարհումը, ոչ թե գոտկատեղից, այլ ողջ իրանով: Խոնրահվել որքան հնարավոր է խորը:

Խոնարհման ևս մեկ տեսակ է իրանի խոնարհումը լայն բացված ոտքերով: Այս վարժության ժամանակ ոտնաթաթերը պետք է զուգահեռ դրված լինի: Արտաշունչի հետ կրծքավանդակը դեպի վերև է բարձրացվում, իսկ ներշունչի ժամանակ դեպի առաջ խոնարհում է կատարվում, թեքելով դեպի առաջ կոնքազդրային հոդերը: Ձեռքերը ուղղել, գլուխը բարձրացնել և առաստաղին նայել: Այդ դիրքը պահել 20 վայրկյան: Հետո արտաշնչել, ձեռքերը ծալել և ավելի ցածր խոնարհվել: Տվյալ դիրքը պահել մինչև 1 րոպե:  

Հիանալի բուժական արդյունք է ապահովում  շուռ տված գավազանի դիրքը: Կատարվում է հետևյալ կերպ. ելման դիրք ընդունել ձեռքերը դնել ականջների մակարդակին: Արտաշնչման ժամանակ ձեռքերով և ոտքերով պոկվել հատակից, որովայնը դեպի վեր արտափքելով: Միևնույն ժամանակ գլուխը պետք է կպած լինի հատակին: Պահել այդ դիրքը մոտ 1 րոպե: Արտաշնչելով իջնել գորգիկին, թուլանալ և երկու անգամ կրկնել: 

Պառկած դիրք ընդունել, հետո իրանին կամուրջի ձև տալ: Ոտքերը ծալել և արտաշնչելիս նստամկանները պոկել հատակից, իսկ ձեռքերը ուղիղ պահել հատակին: Մեկ րոպե պահել այդ դիրքը, դանդաղ իջնել թիկունքին և թուլանալ:

Բացի վերոհիշյալ ասանաներից երիկամների համար յոգան առաջարկում է ևս մի շարք տարբերակներ, բայց եթե դուք որոշել եք հիմնովին զբաղվել առողջարար յոգայով, ապա հիշեք, որ երիկամների համար նախատեսված բոլոր վարժությունները պետք է կատարել բորբոքային ախտընթացը լավանալուց հետո: Իսկ սրացման ժամանակահատվածում միայն պետք է շավասանա վարժությունը կատարել, գլանիկը դնելով գոտկատեղի տակ: 

Հարցեր, պատասխաններ, մեկնաբանություններ